Mayangnokcha GHSS küm 75 ajunger

Mokokchung, Sept. 1 (TYO): Mokokchung nung aliba school tejen Mayangnokcha Govt. Higher Secondary School (MGHSS) tenzüker küm 75 ajungba Platinum Jubilee mung tan September ita 16, 2016 nü anepdang 10:00 ako nungi tenzüka school kilem nung amungtsü asoshi sentong renema lir, ta Jubilee planning committee mendenbula & Mokokchung ADC, Wt. Bendanglilai sangdong ka ajanga metetdaktsüogo.
Iba school nung taoba mapang zünga alirtemi tenla balala agütsüba den tang tashi maparen ajak nung shilem tajung agia yaritepba asoshi Bendanglilaisa planning committee tenüng nung pelaba lemsatep. “Ano maneni nungita yaridaktsüner,” ta laisa mepishia shisem.
Iba sentong dak sentakba nung tangalen alir (out-station alumnus) kari danga teyari aginüa Mokokchung nung tanendak asoshi anepaludaktsünüra item mobile number (9862903425/9856663548) nung September 10 tashi nung tongteprateptsü akok, ta kasa sangdong nungsa shisema liasü.
Iba otsüsütsü aketba sentong nung taoba mapang inyaka alir tesayurtem, staff, zünger aortem aser temulunger ajak pela shishia jaokba kasa sangdong nungsa ayongzüka metetdaktsü
Mayangnokcha GHSS ya 1941 küm tenzük aser ibai Naga lima nungbo tejentiba school rongnung ka lir.