MBA nung Father’s School ayonga agi

Father’s School nung shisa agütsür, Tebutem aser Arogotsürtem noksa nung angur.

Kibong nung tebuti kaji rongnir mesüka lir. Tebu kati kibongji koda anir aji kanga tongtibang. Iba tangatetba nung Mokokchung Baptist Arogo kübok Women Department ajanga October 9, 2015 anogo shisa agütsür Mr. Temsuwati, Asso. Pastor, MTBA, Dr. Medem aser Mr. I. Temsu Jamir jaoka tebutem parnok 70 shi “Kibuba ni tebu ka lir” omen nung ajemdaker tangazükba tulu ngua agia liasü. Iba anogo kechisa angazük, item tangazükbaji bener kibong yangertsü teimla lir, ta Mrs. Lemtila Asso. Pastor ajanga ayongzüksema liasü.