Mba nung teintet rogotem atema Health camp agi

Dimapur, November 26 (TYO) : SDPDB Mangkolemba aser Mangkolemba Watsu Telen( MWT) nati Eden Medical Center, Dimapur den yaritepa teintet rogotem atema anogo ka health camp ayongzüka agi.
Iba sentong tya November 26, 2016 nü Town Hall, Mangkolemba nung agi aser iba nung arishi küm 60 nungi temapurtem parnok 200 den tema aden.
Medical camp nung Eden Medical Centre nungi Dr. Moatoshi Aier, Dr. Bendangtoshi, Dr. Imliyanger aser Dr. Aoakum nunger den paramedics-i temang anepalua reprang aser parnoki blood, sugar aser hepatitis B & C angati screening asü.
Parnok den Natur-O-Tech (Lab reagants),Guwahati aser Mylan Phrama, Dimapur nati yaritepa liasü.
ADC Hq, Mangkolemba tenteter küm 25 ajunga nüngtem nung iba medical camp ayongzüka agi.