Mccarthy-i Santa Claus kinungtsü Margie Claus shilem agitsü

Los Angeles, June 10 (Agencies): Taruba family musical Margie Claus nung shilem agitsü asoshi Actress Melissa McCarthy shimtetogo.
Iba film ya McCarthy kinungbo Ben Falcone-i direct asütsü. McCarthy atema ‘musical’ nung Margie Claus ama mezüngbuba shilem agitsü aser iba film nung la Santa Claus kinungtsü Margie Claus shilem agitsü, ta osang ka ajanga metetdaktsü.
Film direct asüba den külemi Falcone-i Damon Jones den Margie Claus script zülutsü. Maneni pai iba musical McCarthy den külemi tena indang ‘On the Day banner’ ajanga produce asütsü.
Iba musical nung Margie Claus-i tongti shilem agitsü. Film otsü nung la kinungbo Christmas sempet alem-i aodang sammmar kinungbo aser Christmas kümzüktsü asoshi la north pole mezüngbuba toktsür aoba otsü ka lir.
Margie Claus film ya 2019 November 15 nung sayatsü asoshi renema lir.