MCCI Executive Council ajungben senden ayonger

Dimapur, Tsüklai/Feb. 04 (TYO): Mokokchung Chamber of Commerce & Industry (MCCI) Executive Council ajungben senden ka February 06, 2020 nikongdang 6:00 ako nung akatsü, ta MCCI president, Tsukti Longkumer aser general secretary, Limalenden Longkumer nati sangdong ka ajanga metetdaktsü.
MCCI Conference Hall nung amentsü aliba senden nung trades ajak nungi Executive Council züngsem kata mezüdoki arua adentsü kasa sangdong nung metetdaktsü. Iba senden ya MCCI züngsemtem temeden indang jembitsü asoshi ayongzük. Iba senden nung madenba züngsemtem nem tapet temerenshi agütsütsü. Maneni MCCI züngsem ajak dang kanga saksalema alitsü metetdaktsür, kechiaser shishilempaba tesem nungo ozüng alema sen sarutsü merangba osang kar angashiogo, ta MCCI ketdangsertemi sangdong nung metetdaktsü.