MCCI-i firecrackers noktanger

Dimapur, Yimpoksüi (November) 30 (TYO): Mokokchung Chamber of Commerce and Industry (MCCI)-i firecrackers bener aruba, bendena ayuba mesüra ayokba memelar ta metetdaktsüogo.
MCCI züngsem kari dangi iba mapa inyakba putetra, pa/lai tebilemtsü abentsü aser MCCI-i meyaritsü, ta MCCI mendenpurtemi sangdong ka nung ashi.
Maneni, MCCI züngsem ajaki benjung mongpu tenüng nung pei pei shishilembaba tesemtem topur junga renemtsü mepishir, ta mendenpurtemisa metetdaktsü.