MCCI lokti senden Rongchii 17 nü akatsü

Dimapur, Rongchii 13 (Agencies): Mokokchung Chamber of Commerce and Industry (MCCI) pur lokti senden Rongchii (April) 17, 2018 nü 2:00 ako nungi MMC Shopping Complex nung akatsüba mendenpurtem sangdong ka ajanga metetdaktsüogo. Iba senden nung tongtibang onüktem aika benoka sensaksemtsü aser item rongnung ozüng alem saursajiba koba ajanga shishilembaba lokti dang masü saka lokti ajunga timtemdaktsür, item amala tongtibang onüktem lemteptsü.
Iba senden nung MCCI züngsemtem ajak adentsü asoshi metetdaktsür. Anungji iba anogo nung lokti senden akaba mapang nung Mokokchung jila kübok aliba shishilembadak ajak shibanga ayutsü. Iba anogo nung shishilembadak shibanga ayuba ajanga nüburtem timtem ajurutsü aser iba atema nüburtemi mejashidaktsüner aser metongmejen majurutsü asoshi iba osang jelia metetdaktsür, ta MCCI tri Tsukti Longkumer aser MCCI General Secretary, Limalenden Longkumer nati sangdong ka ajanga metetdaktsü.