MCCI senden March 29 nü akatsü

Mokokchung, March 27 : Mokokchung Chamber of Commerce & Industries (MCCI) züngsem ajak dang MMC kima nung March 29 nü, nikongdang 2 ako nungi tenzüka lokti inti senden amentsü anungji züngsemtem ajak pei shishilembaba telen nikongdang 1 ako shitak nungbo shibanger senden akadak tesemi 1 ako tesadang tashi nung arua adongtsü metetdaktsü.
MCCI, Information & Publicity Secretary Limalenden Longkumer ajanga sangdong nungsa züngsemtemi agenda kar danga lira March 27, 2016 anogo tashi nung tongjang ta metetdaktsüba den senden nung agüja aliba anogo nung mesüra mebenokba agendatem ka danga mejembitsü ta metetdaktsü.
MCCI Action Committee-i jila nung sangdongba ama shishilembaba tesem SewaK gate nungi Süngkomen Ward aser IOC Mariani Road junction tashi mita aotsü anungji sangdongba ama tashi mangartem temzüng nung aliba ama tapet tasüngdangba akatsü ta metetdaktsü. Züngsem ajaki rajemtsü atema senden atema sentong tarensen jilia malemtsü saka senden mapang dang alemtsü ta metetdaktsü.