McCullum 200 ODI Sixes yanglur rong nung densemer

Hamilton, February 08 (Agencies): New Zealand captain, Brendon McCullum-i One-Day International (ODI) asaya tatembangba nung ball 27 nung runs 47 yanglua alima ajunga nung 200 ODI sixes yanglur asayartem rong nung tanü, Hombar nü densemogo.
Australia den asayaba tasembuba aser tatembanga ODI asaya nung overs 45.3 nung asayar ajunga asayadak nungi temaleni tugua runs 246 yangluba New Zealand teloki overs 13.3 nung asayar ajunga tugudakja Australia telok nem runs 191 dang yangludakja tanü asayaji runs 55 agi takok angu.
New Zealand-i tanü takok anguba sülen points 2-1 agi Australia madak ODI series koka maneni Chappell-Hadlee Trophy ayutsü maongka angur lir.
Arishi küm 34 tain McCullum-i Australia den Test series 2 tembanga asayaba sülen International cricket asayatsüren toktsütsü lemteta lir.
“Ni küm 14 tashi asayatsü maongka anguba atema kanga pelar. Iba mapang nung ni asayar tajung aika ajurua parnok den temba yimtetogo. Tanü tashi ni pusema nungitba atema ajak dang pelaba lemsateper,” ta McCullum-i tesülen metetdaktsü.
100 Test sixes alizüng tonga alisang, McCullum-i tanü asaya nung boundary tonga ball asemben tashi zükdokba sülen ODI asaya 260 buba nung 200 sixes yanglur asayar akümer lir.
Ajak agi 351 ODI sixes yanglua alisang, Pakistan nunger Shahid Afridi ODI sixes yanglur asayar taresen nung temaba jenjang nung lir aser McCullum tan 4 buba asayar akümer lir.
Sri Lanka nunger Sanath Yayasuriya-i 270 ODI sixes aser West Indies nunger Chris Gayle-i ODI sixes 238 yanglua tena 2 buba aser 3 buba jenjang nung lir.