MCD elections nung BJP-i takok angutsü

Delhi, April 23 (Agencies): Deobar anepdang ward 272 atema Delhi municipal election tenzüka liasü aser iba election nung BJP-i Congress aser AAP madak takok angutsü, ta exit poll ajanga takzütetogo.
BJP aser Congress napronglai iba election nung takok angutsü ta melunglema jembiogo.
Tanep 8:00 ako nungi election agi tenzüka liasü.
Tang mezüng MCD elections nung None Of The Above (NOTA) option amshir.
BJP-i ward 267 prong nung candidates toktepdaktsüogo, aser parnoki menden 200 dak tema nung takok angutsü, ta jembiogo.
Ano Aam Aadmi Party aser Congress Party natia parnoki menden 200 dak tema takok angutsü, ta melung lema jembiogo.