MCD-i Idd salem osang lemsateper

Dimapur, September 01 (TYO): Alima nung Muslim nunger atema benjung tulutiba, Idd-uz-Zuha mapang nung Muslim Council Dimapur (MCD)-i Naga nunger senso ajak dang ‘Idd Mubarak’ salem abener, ta MCD-i sangdong ka ajanga metetdaktsü.
MCD General Secretary, A Jalil Tapadar-i, Idd salem lemsatepba den külemi, meimchirtem tesünep aser yimjung nung alitsü atema tsüngrem-i temaotsü agüjang ta sarasademer, ta metetdaktsü.
MCD-isa Muslim nunger ajak dang Honibarnep 7:45 ako nungi Dimapur Iddgah nung Idd sarasademtsü, ta metetdaktsüba den külemi gari lenmang nung traffic timtem magütsütsü mepishir, ta metetdaktsü.