MCD-i Muslim nunger longjemtsü ayongzüker

Dimapur, October 14 (TYO) : Muslim Council Dimapur-i tawa tasen tenetetba Muslim Milad Committee dang parnoki Iddgah prayer ground management committee mokdangtsü lemtetba khen meyipa reprangshitsü mepishia metetdaktsüogo.
September 6, 2015 nü Milad Committee-i Iddgah ground nung Prophet Muhammad indang shisatokden sentong ka ayongzüka agitsü asüngdang, saka Iddgah committee-i ibaji magizük. Iba yongji Milad Committee-i September 25 nü Iddgah nung agiba IDD UZ Zuha namaz nung maden aser tang aliba luden magien tashi Iddgah ketdangsertem den amalitep malitsü ta telemtetba agi, ta MCD sangdong nung shia lir.
Dimapur nung Muslim nunger tsüngda telemsa tuluba madokdang tekaratiba nung Milad committee-i Iddgah management committee den angatetteptsü mepishir, ta Muslim Council Dimapur tongti tezülur, Mortuza Hussain-i sangdong nung metetdaktsü.