McLaren-i F1 atema gari tasen sayaogo

London, February 25 (Agencies) : Hokolbarnü McLaren-i parnok indang gari tasenba, MCL32 sayaogo. Iba gari tasenba ya 2017 Formula One world championship nung amshitettsü.
Executive director tasenba, Zak Brown mapang nung ibala mesükba gari yanglutetbaji tan mezüng lir aser MCL32 gari ya tanga garitem dang nungi khenyongi tereprangtsü balaka lir.
Gari tasenba, MCL32 nung naring sentsü aser tanga tejakdak sentsü kanga bulua lir. Gari tena anatsülen sentsü tanak keta lir, ta osangbenertemi metetdaktsü.
Tan yangluba MCL32 gari tesenba nung yabo 1981 küm nungi amshia aruba McLaren symbol (MP)-a inoka mali.
MCL32 gari ya tesüiba mapang McLaren Tir aser CEO Ron Dennis shisatsü ajanga yanglutetba lir.