MCTE, Yimyu nung anogo ana workshop sentong ayonga agiogo

Mongputeni/October 26 (TYO): ‘Building a Caring World’ omen nung ajemdaker Mokokchung College of Teacher Education (MCTE) Yimyu-i Mongputeni/October 25 aser 26, 2018 nü workshop sentong ka ayonga agiogo.
Anogo ana tashi agiba sentong nung Initiatives of Change (IofC) India, nungi shishalen sayur parnok nisung 8 aruagi dena liasü.
IofC ya nübur temeyoktep indang sobaliba aser libaliro indang world-wide movement ka lir, shirnoki bendanga pei dak nungi tenzüka meimchirtemi bilemba aser inyakyim nung temelenshi adokba ajanga lokti yanglushiba indang asütsü.
Parnok nükjidong ya ochi, yimjung aser sustainable alima ka yanglutsü asoshi lir kong ajaki ‘call of conscience’ nung telangzüba agütsür aser idakji nüburtemi alaktetta shilem balaka agir.
IofC yagi kija nungi tenzüka alima nüngdakba metetdaktsütsü atema meimchirtem ajungshia aser tesendaktep ayutsü atema tetuyuba agütsür.
Sentong team puri pei dak ajangshiba aser taküm nung temelenshi ajuruba tem telok den lemsatepa liasü.