MDCA asayamung nung asaya kar masayatet

Mokokchung, January 09 (TYO) : Tang tasayadak aliba Mokokchung District Cricket Association (MDCA) inter club cricket asayamung anogo pungunü buba asayatem masayatettsüsa akümba ajanga iba nü asayatsü aliba telok pezüprong nem point kaka agütsüogo, ta sangdong ka ajanga metetdaktsü.
Kasa sangdong ajanga ashiba agi, MDCA Siler Jubilee Planning Committee, Tournament Technical Committee, Tournament Organizing Committee, aser asayamung nung shilem agir teloktem nungi manager aser captain tem ajak lia MDCA iba telemtetba agi.
Tang Mokokchung jila nung mesüngjemtetba tensa agi menepba aliba ajanga iba telemtetba agitsüsa aküm. Tan asayamung league asaya mapang ano iba ama tetsükdangtsü arura kasa telemtetba amshitsü. Hombarnü Titans CC versus Sovran CC aser Mokokchung DC XI versus Tuli ADC XI asayatem masayatettsüsa aküm, ta kasa sangdong ajanga metetdaktsü.
Tanü asayatsü pur yamai alitsü:
Anepdang 8:00 ako – Zero Boys CC vs Longmiasang CC
Anüngdang 12:00 ako – Trebuchet CC vrs Züngamedem CC