MDCA-i Cricket asaya ayonger

Mokokchung, November 23 (TYO): Mokokchung District Cricket Association (MDCA)-i par silver jubilee benjungmong nüngtem nung district-wide cricket promotional & exhibition sentong tan November ita 26 nü nungi tenzüka agitsü renemba osang ka Imlikumzuk Longkumer, Convener, MDCA Silver Jubilee & Yutsung Imchen, Secretary, MDCA Silver Jubilee nati tanü sangoktsüogo.
MDCA silver jubilee benjungmong sentong ‘Instilling Aspirations’ omen nung ajemdaker taruba 2017 küm January ita amongtsü ayonga lir.
Cricket asayatsü mapatong tenzüka, promotional cum exhibition cricket asaya ka DC XI Mokokchung aser MDCA XI telok na tsüngda tan November ita 26 anepdang 9:00 ako nungi tenzüka, Mokokchung kübok Imkongmeren Sports Complex nung asayatsü renema lir.
Iba mapatong den sentaktepa, MDCA XI teloki ADC XI Mangkolemba telok den Mangkolemba Ground nung taruba December ita 2 nü; SDO XI Changtongya telok den Changtongya Ground nung taruba December ita 6 nü aser ADC XI Tuli telok den Tuli Ground nung December ita 9 nü asayatsü ayonga lir.