MDCA-i Inter Club Cricket Tournament 2016 ayonger

Dimapur, December 01 (TYO): Nagaland Cricket Association (NCA) kübok densemba Mokokchung District Cricket Association (MDCA)-i 25 buba MDCA Inter Club Cricket Tournament 2016 taruba 2016 küm January ita 5 nü nungi tenzüka Mokokchung kübok Imkongmeren Multipurpose Sports Complex nung asayatsü ayongogo.
Twenty20 (T20) yimya nung asayatsü ayongba cricket asayamong nung shilem agitsü jangrartemi tan December ita 7 nü nungi tenzüka Mokokchung kübok IDEA Office nungi tenüng züluoktsü shiti agizüka kasaji tan December ita 28 nü tashi nung tayonger ket tongtsütsü temtettsü olen ka MDCA-i tanü sangdong ka ajanga metetdaktsüogo.
Iba asayamong den sentakba osang tali jangjashitsü jangrartemi mobile no. 9402715454 ajanga tongteprateptettsü.