MDCA Inter Club T20 Cricket Tournament osang

Dimapur, January 07 (TYO): Tang tasayadak aliba MDCA Inter Club T20 Cricket Tournament nung Zero Boys A telok nungi Bendangtemsü-i runs 29 ngutetba ajanga Jovial teloki yanglua aliba 119 runs over 19buba nung ajateta akok.
Zero Boys A teloki tamasa bowling asütsü shimtet aser wicket 8 nung runs 118 agütsü. Par telok nungi Bendangtemsü-i runs 20 agüja wicket 3 agi aser Tekatemsu-i runs 23 agüja wicket ana agia liasü. Jovial nungi asayar Temjentoshi aser Meyameren nati runs 33 aser 26 agia liasü.
Runs 119 anguba ajanga akoktsü aliba asaya nung Zero Boys A teloki tetenzüktangbo kanga junga asaya tenzük, saka tiyongtsü nung par telok wicket aika agidakja liasü. Saka tatemlen Bendangtemsü-i runs 29 agiba ajanga par telok teimla angu. Iba den külemi Mayangteka-i four ana aser six ka züka runs 27 angu. Jovial telok nungi Moalembai runs 21 agüja wicket ana agi. Odiyanger aser Jangzapong natia wicket kaka agia liasü.
Tanabuba asaya nung Brotherhood CC nungi mezüngbuba asayar Daniel Rai-i run 30 agiba ajanga wicket tenet aser ball 33 anünga yutsür takok angu. Saka tetenzüklen Aosashi-i kanga kara runs 23 agiba ajanga kanga mela mela akok. Gorkha Students Union (GSU) nungi Buddha Rai-i run 19 agüja wicket ana agi aser Bir Bahadur-i run 20 agüja wicket ka agia liasü.
Gorkha Student Union-i mezüng batting asü aser mezüng over 10 nung runs 78 angu. Saka Sunil Gurung-i run 21 agir out asüba sülen GSU batsmen tem ka khen ka khen ta out asü.Nihal Rai kisüngi runs 61 yanglua liasü aser parnoki over 20 nung runs 110 agi aser nisung 6 out asü.
Ano taoba küm final asayar Sovran aser Titans telok na asayatsü ata lir. Iba asaya nung Sovram teloki taoba küm tsüktaktsüba mang ayangtsü terenemshiba nung lir aser Titan teloki taoba küm ama takoker asütsü renema lir.
Hombar asayatsü aliba asaya:
8:00 AM –
Titans CC v/s Sovram CC
11:30 AM –
Rianbow CC v/s Jovial CC