Dimapur, January 05 (TYO): Mokokchung District Cricket Association (MDCA)-i ayonger külen Mokokchung kübok Imkongmeren Sports Complex nung 25 buba MDCA T20 Cricket Tournament asayatsü tenzükogo.
“Cricket ya tanga asaya ama masü saka taremzük, bendanga agütsütsü aser temulungtetba tulu nungdakba asaya ka lir,” ta shia, MDCA Tir, Chubatoshi-i asayartemi bendanga agüja shilem agitsü tayongzükba olen ka metetdaktsü.
Kümshi ayongba MDCA cricket asayamong nung national sabang nung shilem agir densema ajak agi telok 12-i shilem agi tenzüka lir.
Tan asayamong nung Jonathan Rongsen, Hokaito Zhimomi aser Ranji Trophy nung shilem agir asayartemi tongti shilem agitsü teimla yua lir.
25 buba MDCA T20 Cricket asayamong lapokba sentong takok ngudaktsüba atema asayamong nung shilem agir aser teyariteper ajunga dang pelaba olen ka MDCA-ia sangdong ka ajanga metetdaktsüogo.
You must be logged in to post a comment Login