MDCA tananü asaya:Sovran CC aser Trebuchet CC nati takok nguogo

Mokokchung, January 05 (TYO) : Tang Silver Jubilee nüngtem nung Imkongmeren Sports complex nung tasayadak aliba MDCA cricket asayamung tananü asaya nung Sovran aser Trebutchet teloktemi takok nguogo.
Brihostibarnü mezüng asaya nung Sovran-i DC XI madak wicket 8 agi takok angu. Iba asaya nung DC XI-i toss akok aser over 20 nung parnoki runs 116 yanglu. Batting aliba mapang parnok wicket 6 tashi tugo.
DC XI nungi batsman Throngdi-i tan asayamung atema mezüngbuba half century (50 runs) yanglu aser kasa telok nungisa Sachin Jaiswal-ia runs 20 yanglu.
Mezüng inning nung bowler Tiaakum-i runs 19 agütsü aser wicket 3 agi aser Yangerlongi runs 33 agütsü aser wicket 2 agi.
Sovran CC telok batting alidang over 14.4 nungi wicket 2 tang out ser runs 118 yangluteta DC XI-i yanglua yutsüba runs ajateta atuba ajanga parnoki wicket 8 tashi agi iba takok angu.
DC XI-i catch temela kar mepushiba ajanga akoktsü maongka magitet. Sovran telok nungi Yongsamong-i runs 54 yanglu aser Merenchemba-i pa den yaritepa run 16 yanglu. Sovran pur wicket anaprongla Sachin Jaiswal-i agi.
Tanabuba asaya nung Trebuchet teloki runs 50 tashi agi Zero Boys telok kanga mela mela akok.
Trebuchet teloki toss akok aser mezüng bat asütsü shim. Par telok nungi Vicky Ali-i runs 32 angu aser Kalyen Gogoi-i runs 31 yanguteta parnoki runs ajak agi 138 yangluteta yutsü. Iba asaya nung parnok wicket 7 out asü.
Zero Boys-i iba runs ajatettsü meranga asaya ajisüaka over 20 nung parnok wicket 8 out sür runs ajak agi 87 ang yanglutet.
Zero Boys nungi Sademkaba-i kanga junga asaya aser pai runs 36 yanglu.
Trebuchet nungi kanga junga bowl sütetsangji Merenkaba liasü. Pai over 4 aonba nung runs 11 ang agütsü aser wicket asem agi.
Kalyen Gogoi-i aondang runs 17 agütsü aser wicket 2 agi.
Aüng asaya yamai alitsü :
Anepdang 8:00 ako – Longmiasang CC VS Zungamedem CC
Anüngdang 12:00 ako – Suzerain vs Rainbow CC