MDCA XI aser ADC Tuli XI na exhibition match asayaogo

Dimapur, December 10 (TYO) : Mokokchung District Cricket Association-i “Instilling aspirations” omen nung ajemdaker ayongba, pezübuba aser tatembang buba exhibition cum Promotional match MDCA XI aser ADC Tuli XI na tsüngda Don Bosco School Ground, Tuli nung Honibarnü asayaogo.
Iba asaya nung runs kanga ajema yanglu saka kanga pelatepa aser jangratema asayatet.
Honibarnü asaya nung MDCA XI-i ADC Tuli XI madak wicket 4 agi takok angu.
ADC XI-i toss akokba sülen mezüng bat asütsü shim, ajisüaka power play mapang nung parnoki runs aika meyanglutet. Par telok nungi opener tem kara out asü saka tiyong nung aitba batsman Rongsenwati-i runs 24 aser Chungshibai runs 26 yangluba sülen asaya tera jangratema aküm. Over 20 nung ADC IX Tuli teloki runs 93 yanglua toktsür ajak out asü. MDCA nungi Sachin-i over 4 aonba mapang runs 31 agütsü aser wicket 3 agi. Ano Ato Chang-ia over 4 aon aser pai run 10 agüja wicket 2 agi.
Iba sülen MDCA XI batting asütsü tenzük ajisüaka parnok opener ana mela mela out süatok. Mapang ka nungbo parnok nisung 4 tashi our asüdang runs bo 17 ang yanglur liasü.
Iba sülenji Aloto-i runs 32 aser Sadammeren-i runs 14 yanglua partnership tashi ita akümba sülen MDCA XI-i over 16 buba nung ADC IX Tuli-i yanglua aliba runs ajateta tua takok angu.
ADC XI, Tuli nungi Lanubai over pezü aondang runs 12 agütsü aser wicket 2 agi aser Sungkumbaia wicket ana agi.
MDCA IX nungi Aloto-i bat aser ball ajak kanga junga asüba ajanga Man of the Match sempet angu.