MDFA asayamung Osang

Mokokchung, Oct 9 (TYO): Oct 9 nü mezüng asaya Telongjem F/C aser F/C Young boys na asayaba Telongjem FC-i goal 2-0 agi Young Boys madak takok ngua liasü. Tanabuba asaya Intermingle o Y/A Marepkong na asayaba Intermingle-i goal 2-0 agi kokogo.
Mezüng asaya Telongjem F/C aser F/C Young boys na tsüngda asayadang, Telongjem nungi Purakum (Jersey No. 17) aser Niythong Magh (Jersey No. 7) nadi minute 28 aser 34 nung goal kaka agüja iba jagi par teloki Young Boys madak takok angu.
Tanabuba asaya Intermingle aser Y/A Marepkong na asayaba, Intermingle nungi Lanutoshi Lkr (Jersey No. 9)-i 1st half nung minute 33 or lia goal ka agütsü, aji sür, 2nd half asayadang Intermingle nungisa Bendangnukshi (Jersey No. 15)-i minute 65 nung goal ka idakja goal ana jagi parnoki Marepkong pur koka liasü.
MDFA trophy ya tan October ita ka nungi Imkongmeren Sports Complex Mokokchung nung asayaa arur. Taküm iba asayamung nung telok 18-i shilem agidar. Taküm iba asayamung abener nem senpet sen lakh ana (2) aser tanabuba jenjang tashi atonger nema Lakh ka (1) agütsütsü.
Oct 10 asaya:
Hills XI F/C Vs Kumlong S/A @12:00 Noon
NUSU F/T Vs Zonipang S/A @ 2:00 PM