MDFA: DYA, Elation SC & Grasshoppers teloki takok angu

Grasshoppers (Tola temesüng) asayartemi Tongdenyong telok asayar den MDFA Trophy 2016 asayamong Hokolbar nü asaya tatembangba nung toktepa shilem agiba noksa ka yangi angur. (Mokokchung, October 07)

Mokokchung, Oct. 07 (TYO): Dilong Youth Association (DYA) teloki goal 5-1 agi Tongpang Ruju Club telok madak takok ngua, tang tasayadak MDFA Trophy 2016 asayamong asaya tanü, Hokolbar nü asayaogo.
Tan takok anguba sülen DYA telok tan asayamong nung asaya tanabuba akoker telok akümba den külemi, tan asayamong nung tematiba jenjang nung alir telok kümogo.
Temjenmeren-i asaya tenzüker minute 33 buba nung goal 1 agüja, par DYA telok temaba jenjang nung ajungkettsü saka Tongpang telok asayar, Retsungyongdang-i minute 36 buba nung goal-ji meyiptsüba ajanga par telok anaprongla kasa jenjang aküm.
Tesülen, Bendangsunep-i minute 56 buba nung goal 1 agüja, par DYA telok maneni temaba jenjang nung ajungkettsüba den, Yhunshalu-i minute 60 aser 68 buba nung goal 2 aser Temjenmeren-i minute 66 buba nung goal 1 agütsüba yong par teloki takok nguadok.
Tanü mezüngbuba asaya nung Elation SA teloki goal 2-0 agi Mongolian FC telok madak takok ngua liasü.
Bendangmeren aser Chubayanger nati minute 38 aser 47 buba nung par Elation telok asoshi takokba goal 2-ji agütsü.
Tanü tatembangba asaya nung Grasshopper telokia goal 3-1 agi Tongdenyong SC telok tsükdaktsü.
October 8 anepdang 11:00 ako nungi tenzüka, asaya yamai alitsü:
1st match: Alempang YA Vs Telongjem FC
2nd match: Moanungsang Memorial S/C Vs Mongsenbai Youngstarz FC
3rd Match: Startdom United FC vs Mongolian United FC