MDFA: Grand Elites, Zonipang, Alempang YA-i kokogo

Mokokchung, Mongputeni/October 17 (TYO): MDFA Trophy 2018 tanü asaya nung Grand Elites aser Zonipang-i pei tata asaya mela mela kokogo. Asaya mezüngbuba Grand Elites SC aser Unicorn FC na asaayaa liasü. Grand Elites SC nungi asayar L. Temjen-i maneni tanga asaya nung ama iba asaya nunga goal ana tashi minute 26 aser 33buba nung idakja parnoki asaya akok.
Tanü asaya tanabuba nung Zonipang SA puri goal 2-0 agi OCYU madak takok nugogo. Zonipang SA puri league asaya asemprongla akokba sülen parnok quarter finals-i iogo. Asaya nung goal ana ya Suponglemba aser Nungshisashi nati minute 15 aser 49buba nung idakja liasü.
Maneni tanü asaya tasembuba Alempang YA-i goal 3-1 agi Hills XI FC madak takok nguogo. Asaya nung goal asemprongla ya asaya mezüngbuba shilem nung Tayongmaong, Yangerjungba aser Imkongyanger nungeri minute 13, 14 aser 24buba nung idakja liasü. Hills XI FC pur atema goal ka ya Moaakum-i minute 57buba nung idaktsü.
League asaya nung asaya ka dang akokba sülen Alempang YA pur QF nung asayatsü asoshi jenjang mongutet. Kasa mapang nung Hills XI FC pura iba asayamung nungi tuguogo.
Mongputeni/October 18 nü asaya yamai alitsü:
Mosaic vs. SSS Blue
Intermingle vs. FC Young Boys