MDFA-i coach tem atema tatidang ka agitsü

Dimapur, February 10 (TYO) : Mokokchung District Football Association (MDFA)-i coach tem atema D-Certificate tatidang ka agitsü, ta MDFA sangdong ka ajanga metetdaktsü.
Sangdong ajanga ashiba agi, iba tatidang ya Nagaland Football Association (NFA) lenisüba kübok agitsü aser ibai asoshi All India Football Federation (AIFF) ajanga kuli agüja lir.
Iba tatidang Imkongmeren Sports Complex nung February 13 nungi 18, 2017 tashi agitsü aser registration ji February 13, 2017 nikongdang 2:00 ako nungi tenzüktsü, ta kasa sangdong nungji shia lir.
Anungji iba tatidang nung adentsü jangrartemi MDFA Tournament Secretary den mobile no 9856699423 nung tongtepratepa osang tejangja agi nung ajungtsü, ta sangdong ajanga metetdaktsü.