MDFA-i football coach nem tesayuba agütsütsü

Mokokchung, January 30 (TYO): Football coach tem nem Mokokchung nung tesayuba sentong ka 2017 February ita nung agitsü lir. Iba sentong ya Mokokchung district kübok mezüngbuba ayongzüker alitsü. Iba sentong nung All India Football Federation (AIFF) “D” Certificate instructor, N William Koso-i tesayuba balala agütsütsü.
Iba sentong ya football coach tem mongin kümdaktsütsü aser tali tajungba kümdaktsütsü nükjidong nung, Mokokchung District Football Association (MDFA)-i ayongzüker.
Iba sentong nung shilem agir nem tesayuba balala agütsütsü aser taditang agitsü aser takoker nem ‘D-License’ kulikaket agütsütsü.
Küm aika MDFA ajanga ayongba MDFA Trophy asayaba mapang, coach mongintem nüngtakba ajiteta iba sentong ya ayongzüker.
Football club balala nungi coach tem aser tejangrartem-i arua iba sentong nung shilem agiba den külemi D-License kulikaket, AIFF D-Certificate Instructor nungi agizüktsü asoshi MDFA -i jaoker.
Iba sentong nung shilem agitsü jangrartemi MDFA Tournament Secretary, Supongwati nem February 6 tashi nung bio-data agütsütsü metetdaktsür. Iba sentong tejangjaba nung metetnüra, MDFA Tournament Secretary den Mobile No. 9856699423 nung tongtepratep asünung ajungtsü.
Iba sentong nung tesayur N William Koso indang bio-data yamai alitsü:
1. All India Football Federation (AIFF) ‘D’ Certificate Instructor
2. Asian Football Confederation (AFC) ‘B’ License Holder,
3. Assistant Coach, Aizwal Football Club
4. Technical Advisor, Indian League (I-League)
5. Member, Nagaland Coaches Association (NCA)