MDFA küm tatem senden tan November 26 nü amentsü

Mokokchung, November 23 (TYO): Tan Honibar anepdang 10:00 ako nungi tenzüka, Mokokchung District Football Association (MDFA) küm tatem senden senyur kidang, Mokokchung kübok Arkong Ward nung amentsü renemba osang ka Imkongsunep Kichu, General Secretary, MDFA-i tanü sangdong ka ajanga metetdaktsüogo.
MDFA den sentakba tongtipang onüktem benoka jembitsü renemba den General Report, Audit Report aser Resolution Committee Report densema, luden balala nungi osangtsüsang agitsü renema lir.
MDFA nung züngsemba telok ajungai nisung anana yoka senden nung dendaktsütsü metetdaktsüba den külemi, MDFA kübok telok aser luden balalai nungdakba onüktem senden amenba jakdang mapang jilia benoktsü atema kasa sangdong ajanga metetdaktsü.
MDFA nung züngsem ajunga, taküm tepiyong MDFA nung züngsemtsü temten ngua alir aser MDFA tentetertemi iba senden nung shilem agitsü atema jaokba osanga metetdaktsüogo.