MDFA silver jubilee nüngtem asayamung balaka ayongzüktsü

Mokokchung, August 22 (TYO): Taküma MDFA football asayamung October 3 nungi 21 tashi Imkongmeren Sports Complx Mokokchung nung ayongzüka asayatsü sentong renema lir, ta Mokokchung District Football Association sangdong ka ajanga metetdaktsüogo.

Iba asayamung nung MDFA kübok registered süa aliba club-tem dang shilem agidaktsütsü. Iba dak sentakba nung Aug 31, 2017 tashi nungbo Club Resgistration/Renewal aser player transfer maparen ajak inyaktsüla. Iba anogo süir arubatemji magizüktsü, ta kasa sangdong nungsa metetdaktsü.

Taküm iba asayamung nung tematiba jenjang angur nem tanga senpet den sen lakh 2, tanabuba jenjang nem lakh 1 aser semifinal jenjang tashi tongteter nema 25,000/- (each) agütsütsü. Iba den ano nija senpet/sempet 5 shimteta parnok nema sen 10,000/- agütsütsü, ta tayongertemisa metetdaktsü.

September 4, 2017 nungi tenzüka iba asayamung nung shilem agitsü jangrartem asoshi registration form 3 Kit Photo Shop (Alongmen Ward Mkg) nungi angutsü. Iba tournament application form aser player list agütsütsü asoshi tesüsabuba anogoji 23rd September (Saturday) 2017 alitsü, ta parnokisa metetdaktsü.

Taküm MDFA asayamung ya MDFA tenzüker küm 25 ajungba Jubilee nüngtem nung balaka ayongzüka akar. Kari danga iba dak sentakba nung osang tejangja aginüra, item mobile number (9862703431/9856699423) nung tongteprateptsü akok.