MDLSA-i Dobhasi tem atema anogo ka seminar katsü

Mon, July 02 (TYO): July 1, 2017 nü DB’s Court Mon nung Mon District Legal Services Authority (MDLSA)-i Dobhasis (DBs) atema anogo ka seminar ayongzüka katsüogo.
‘Rules and practices in the court’ onük nung jembidang Chief Judicial Magistrate aser MDLSA Secretary, Inalo Zhimomi-i Dobhasi tem dang legal teyari aser legal teyari angati anguba indang osang nüburtem dang sangdongtsü ajungshia liasü.
District and Session Judge aser MDLSA Chairman, Neiko Kanuo-ia Rules for Administration of Justice and Police in Nagaland, 1937 indang onük nung jembidang item ozüngtem nung DBs-i judicial tashitem koda amshitsü, iba indangji lemsatep.
APP cum Government pleader, Vito Chishi-i ‘Principle of natural justice’ onük nung jembi aser head DB Mon-ia customary court inyakyim indang lemsatepa liasü.
Iba sülen o lemtepba mapang liasü. Iba sentong ya Para Legal Volunteer, Tingkai leniba nung agi, aser Mon nungi DBs ajak agi parnok 21 iba seminar nung aden.
Kasa anogo nungsa Chief Judicial Magistrate aser Kiphire District Legal Services Authority (KDLSA) Secretary, Mezivolu T. Therieh den Panel Lawyers aser Para Legal Volunteers-i Legal Aid Clinic Kiusam semdang aser yangji aliba Para Legal Volunteers den parnok teinyaktsütem indang lemsatep.
KDLSA-isa stationeries aser legal literature lema agütsü.