MDLSA-i tanabuba Essay Competition ayongzüka agi

Dimapur, August 27 (TYO) : Kaketshirtemi constitutional rights meteta lidaktsütsü nükjidong nung Mokokchung District Legal Services Authority (MDLSA)-i tanabuba Essay Competition ayongzüka agi.
Honibarnü Mokokchung Law College nung iba tetoktepba agi aser omenji “Important of Fundamental Rights” liasü.
Iba sentong nung Mokokchung aser temeket nung aliba Higher Secondary school aser college tem nungi kaketshirtem aden aser reju shia nungi kaketshir ananai shilem agi.
Iba tetoktepba indang osangji September 1 nü metetdaktsütsü aser takok angur nem senpet den kulikakettem agütsütsü, ta MDLSA ketdangsertemi ashi.
September 1 nü MDLSA-isa District jail Mokokchung nung Legal Aid Clinic ka lapoktsü aser iba anogo nungsa tepuokdak alir den awareness programme ka agitsü, ta parnokisa shisem.