MDMA-i küm tepiyong inyaktsü sentong yangluogo

Mokokchung, January 26 (TYO): Tarutsü nükla tajung yur, Mokokchung district nung aliba nüburtem, talisa lanurtem rongnung kentenba sempet aser tanüla tali ajungketa, tuluba kümdaktsütsü nükjidong nung, Mokokchung District Musicians Association (MDMA)-i 2017 küm tepiyong inyakyonga aotsü asoshi kenten-menü sentongtem yanglua adokogo. Iba sentong yanglua aliba dak alaka ano mapang apir kenten-menü sentong balala agiyonga aotsü tebilemba lir, ta MDMA Tir, Arsashi Ozüküm aser Tongti Zülur, Taliaküm Pongen nati sangdong ka nung metetdaktsü. Iba sentong asoshi nisung kar-i metetpelanüra, MDMA ketdangpur den ajurua jembi nung ajungtsü, ta parnoki sangdong.