MDP 74 Pak ket nung alitsü akok: Sorkar

New Delhi, February 09 (Agencies): Missing defence personnel (MDP) 74 Pakistan ket nung alitsüa akok, ajisüaka tang tashi par linüki iba indangji memetetdaktsü, ta Brihostibarnü sorkari metetdaktsü.
Minister of State for External Affairs, V K Singh-i, iba onük atema sorkari Pakistan sorkar den aiben jembiogo, temaba jenjang nung senden amendanga jembiogo, ta metetdaktsü.
“Tang tashi nung ngutetba osang nung ajemdaker, MDP 74 Pakistan ket nung alitsü südi ta amanger, saka tang tashi nungbo Pakistan-i iba indangji memetetdaktsür,” ta minister-i ashi.
“Samar aliba defence sepaitem (MDP) kinungertem committee-i 2007 küm Pakistan nung jail tem semdanga liasü, saka parnok puoka aliba kuli mangu. Ajisüaka iba onük atema sorkari par sorkar den maneni jembidar,” ta tanü minister-i tezüluba nung Rajya Sabha senden nung metetdaktsü.
“Tang tashi nung India senso 208- civil prisoners 61 aser angopur 147 Pakistan nunger jail nung alitsü südi ta bilemer,” ta Union Minister-isa metetdaktsü.