MDT20CF 3rd Master Shield Trophy Feb 20 nungi asayatsü

Mokokchung, Feb. 15 (TYO): Ajaki yongya ataba Mokokchung Dsitrict T20 Cricket Federation-i ayongba 3rd Master Shield Trophy tan February ita 20 nungi tenzüka Imkongmeren Sports Complex Mokokchung nung asayatsü lemtetogo, ta MDT20CF sangdong ka ajanga metetdaktsüogo.
Iba asayamung ya open knockout T20 cricket yimya nung asayatsü. Takoker champion aser runner-up nem senpet sen den trophy agütsütsü aser nija senpet-a kar shimteta agütsütsü, ta parnokisa metetdaktsü.
Anungji, tejangrar club ajak iba asayamung nung shilem agitsü jaoker aser form-ji Mokokchung Allhabad Bank anasa aliba Camellia dokan nungi angutsü. Iba asayamung dak sentakba nung osang tejangja agiteptsü atema MDT20CF official item mobile number: 8787651958/9862636365 nung tongteprateptsü akok.