MDVA-i 10 buba Imchaba asayamong ayonger

Dimapur, August 08 (TYO): Mokokchung nung 10 buba Imchaba Master Memorial Nagaland Open Volleyball asayamong taruba September ita 22-25 nü tashi asayatsü asoshi Mokokchung District Volleyball Association (MDVA)-i ayongogo.
Asayamong aser coaching camp jenti takok ngua ayongba den külemi, MDVA-i taoba küm 9 tashi iba Imchaba Memorial asayamong ya takok tulu ngua ayongba osang bushiteta lir.
Imchaba Memorial asayamong ayongtsü tenzüker küm 10 abensaba nüngtem nung taoba mapang iba asayamong nung shilem agir telok ajungai tan asayamong nunga shilem agia asayamong tali mera ketdaktsütsü tajungshiba olen ka MDVA-i metetdaktsüogo.