Measles Rubella Vaccination Campaign atema workshop agi

Mokokchung, Chiteni/July 05 (TYO): Rubella (MR) Vaccination Campaign atema District planning workshop tanü IDSP conference hall Mokokchung nung ayongzüka kaogo.
Iba campaign tongtibangba nükjidongji arishi ita 9 nungi arishi küm 15 tsüngdapur tanurtem ajak nem MR vaccine agutsütsü atema lir.
Dr P. Medemmayang CMO-i workshop nükjidongtem metetdakja, iba ya alimai shirangba ajema kümdaktsütsü aser linük nung MR agi asüba nokdangtsü atema lir, ta metetdaktsü.
Paisa shilem agirtem dang parnok mazüngi liaka sentong nung adenba atema pelaba lemsatep.
Shisalen sayur, World Health Organization nungi Dr. Shankar Reddy RRT-i power point ajanga asalentongtem aser MR vaccination campaign indang inyakyimtem metetdakja liasü.
Campaign mapang nung kecha tetsükdaktsü maka regular routine immunization session-a agitsü. Kodang MR campaign tembangdir MR Vaccine agi measles vaccine melentsü. MR vaccination ya Mongpoteni/October 3, 2018 nungi tenzüktsü.
Mr Engum, Project Officer UNDP-i MR campaign mapang amalitepa inyaktsü asalentong aser sentong metetdaktsüba den külemi 2020 küm tashi nungbo MR azüoktsü nükjidong yur inyaker, ta metetdaktsü.
Kasa sentong nung Dr Temsuyanger DIO (UIP&RCH)-i MR Campaign nung vaccination sessions sites, injection safety & waste management indang metetdakja liasü.