Mechanical nung inyakertemi regularize sütsütsü akanger

Dimapur, Dec.17 (TYO) : Nagaland nung Mechanical department kübok work charge aser casual nung inyakertemi Chief minister dang sorkari metetdaktsüba ama parnok mapa nung küm 30 ajungertem tashibo tangsa regularize süjang ta metetdaktsüogo.
All Nagaland (PWD) Mechanical Field Staff Association purtemi Chief minister dangi züluba shidi ka nung ashiba agi, tang teinyakdak work charge aser casual nung alirtem shirnoksa January 01, 2015 anogo tashi nung küm 30 ajunger, parnokji mapai aidang shitak ia lira regularize sütsütsü ta March 7, 2015 nü sorkari telemtetba agi lir. Anungji iba telemtetbaji mapa küma inyaktsüla ta parnoki akanger.