Medemer ana, Mr. Deimo aser Bobo na taküm nung kangasa maginüba mapa ka indang jembiteper

Deimo : Temba Bobo! Naia koda bilemer ar nibo kü taküm nung ni kangasa maginüba mapa ka lir.
Bobo : Temba! Süra aji kechi mapa?
Deimo : Na temba, Bathroom nung tzü chikodang bathroom shibanger, baltin nung pipe nungi tzü tenzükdang, tzü ola agi kecha mangashi-i kümdaktsüba to maginür adi.
Bobo : Aya temba! Ato shidak adi. Iba mapang nung tobo kidang nisung ali asü mali ar memeteti akümer aser ang ano alima ya sama-a aor amai akümer. Atangji koda meinprongtsüka lir, nia kanga dang maginür.
Deimo : Süra aji kechi mapa?
Bobo : Na temba, Pastor aser Missionary temi pulpit nungi sayutsüngi dang, Laishiba nung iba tekong nung English nungi meyipzükdang mabensai meyipzük ta, mashilen meyipzük ta, iba jagi junga rasa-a ashitsü makoker ta English laishiba khen Ao Laishiba khen ta reprangshia tesenteper dang ashiba O ya maginür.
Deima : Shidak na! yamala taiji bushitetra kidang topic renemdang English aser Ao Laishiba anaprongla nungi reprangra yanglur shidakba, olongji dang ashi nung tajungba kechiaser iba jagi tesentepertüm Tsüngrem O angatsü tejangraba to samadaktsür. Item O jibo Laishiba Revise asürtem dang ang ashi tajungba.
Bobo : Parnok sayutsüngertem-a yimya aser tangatetba balala lirji to kechi ashitsü, saka shidakba nungbo sayutsüngi dang yamala o jibo mejembi tajungba.
– S.Medem Kichu, Lerie Colony