Medemtsür ana mapang talangka pila lir külen tanurtem kiba lembudaktsütsü jembiteper

Medemer ‘A’ : Rapi, nür-a jala anato kechisa zünger ali?
Medemer ‘B’ : Tenaprongla Graduate sür kazüdargo. Süra nür jabaso toa koda?
‘A’ : Pa taküm Bangalore nung M.Sc. renemer arua  ano mapabo kecha mangu kazüdar. Rapi, ni langka asüngdangdi, parnok o parnok na mulungtepra ner jala rongnung ka agidaktsüdi arung kodo.
‘B’ : Rapi, ni tebilemba sentong balaka lir
‘A’ : Rapi, na-a aji kechi tebilemba sentong balaka ali kü danga shinga koto.
‘B’ : Ina, ni nü dangbo memiimshi-i dang shidi, tena rongnung ka telongpur (undergrounder) ki-i yoktsü aser ka Town Arogo tuluka nung pastor ki-i yoktsü ta bilemdar.
‘A’ : Aya Rapi! Kü dangbo aji tebilemba tai amai bilemera, kechiba süra Tsüngrem tenzüker kaji ali shi nungbo okronga timtema alir, aser nür jala jagia Tsüngrem tenzüker ki-i aotsü metemsü ama nibo ajiteter, aser linük tenzükerjia (undergrounder) tetsübutsüka kodangang kechi ataloktsüar memetet. Na-a sentongji majung ama nibo bilemer-a no…
‘B’ : Tokurama Rapi, Nai kecha memetetkar, tanü asüng Arogo tulu nung pastortem ya ministertem danga taoba liteper, aser telongpurtema jangratema molamoshia aliba ya naibo mangur aser memeteta na? Aserbo na! Ner jabasojia service mungura aiür tain service wala ka agidakjangma süra pa kecha meinyakyonga jangratema alitsüago.
‘A’ : Aya Rapi, Nasa tekolok tuluba aser shisa takaba, saka kü mulungsentsü agibo ajibo magizüketeter-a no!!!

Lilir : N. Lkr