Medical Board Mkg-i Polling atema sodi meshirtem Feb 6 nü tendangtsü

Mokokchung, Tsüklai 03 (TYO): Sorkar tenzükertem shirnoki temang manemba (health ground) nung ajemdaker polling duty maotsü atema sodi meshia lir, parnok ajak 6th February, 2018 nü medical tetendangba alitsü, ta Medical Board Mokokchung District-i sangdong ka ajanga metetdaktsüogo.
Sodi meshia alir ajak anepdang 9:30 nung Mokokchung ADC Planning Conference hall tonga arutsü asoshi ADC & Chairman Medical Board, W. Manpai Phom-i metetdaktsü. Ajaki medical investigation report bener arua medical board dang sayutsüla aser iba anogo marurtemji sodi memeshi amai agitsü, ta paisa shisem.