‘Medical Certification of cause of death’ atema training agi

Mokokchung, Dec. 10 (TYO): IDSP hall, IMDH Mokokchung nung December 10, 2015 nü district nung aliba doctor tem nem ‘Medical Certification of cause of death’ training agüja liasü.
Iba training nung shisalen tuyurji Directorate of Health & family welfare Kohima nungi Deputy Director Dr. Nyan liasü.
Pai nüngdaka alirtem nem ‘death certificates’ agütsüba tsütsü kanga junga tesayuba agütsü.
Death certificate ya joko kanga nüngdaka kümogo anungji iba certificate agütsüdang kanga kümdangtsüla kechiba süra iba ya obendangdaka amshitsü akok, ta pai ashi.
Iba training sentong ya CMO, Mokokchung, Dr. S.S.Akaba Longchar-i ketdang asü aser pai, shisalen tuyur aser training nung arua adener ajaki tang ama benjung mapa mazüngi liaka shilem agiba asoshi pelaba metetdaktsü.
Iba traning nung IMDH aser TB &chest disease hospital nungi doctor tem, sentong ketdangsertem aser Mokokchung District nung aliba CHCs aser PHCs nungi SMOs o MOs tem dena liasü.