Medical Fitness Certificate agizüktsü sangdonger

Dimapur, Rongjui/Sept. 04 (TYO): Luroi/Aug. 16 aser 18 nü tsünglanglen agüja aliba department tem nungi staff tem shirnok service confirmation atema Medical Board Examination agütsüogo, parnok indang Medical Fitness Certificate agizüktsü asoshi tetuyuba agütsür. Item office tem nungi office I/c tem dang Chief Medical Officer office Mokokchung nungi office mapang Medical Fitness Certificate agizüktsü asoshi nisung tejangja ka yoktsü tetuyuba agütsür. Iba certificate ya jurila nem magütsüstsü saka telok tenteter dang agütsütsü, ta Chief Medical Officer I/C Dr. Medemmayang-i sangdong ka ajanga metetdaktsü.
Department tem yamai alitsü:
1. Education Department
2. ICIT Mokokchung
3. SDIO Tuli