Medical Minister-i Swasth Bharat Yatra tenzüktsü

Dimapur, Yimpoksüi/November 6 (TYO): Minster of Health & Family Welfare S.Pangnyu Phom-i Yimpoksüi/Nov. 6 nü War Cemetery, Kohima nungi Swasth Bharat Yatra cyclists tem Dimapur-i alutsüba sentong lapoktsü.
Sentong nung o jembidang Minister-i ashiba agi, Yatra aser Mela indang nükjidong tongtibangtibaji, raw materials nungi finished products, food processing, transportation storage handling, packaging, distribution nungi tenzüker food safety dak sendakba nung consumer awareness osang ajang ajanga agütsütsü asoshi lir.
Paisa iba sentong ya tushitsü tetemsü ta ashi, koba ajanga nüburtem dang anema alitsü asoshi chiyongtsü shidak aser tapet chia ajemtsü ajungshir. Manei pai iba mela ajanga “Eat Right India” Movement osang tejangja agütsütsü nükjidong yur inyakba takok nguyonga aotsü asoshi sentong nung shilem agirtem ajungshi.
Iba sentong nung Chandrika Master asü aser pai achaayanga Eat Right India tenangzüktepba agi. Iba sentong nung Kohima nungi NCC Cadet, cyclist parnok 25-i shilem agi. Parnok rongnung tetsür 15 aser tebur 10 densema liasü. Kasa mapang nung Assam Rifles Piper Band-ia iba sentong nung shilem agi. Kohima cyclists temi baton ya Dimapur nung cyclist tem nem agütsütsü aser maneni parnoki Swasth Bharat Yatra Baton ya Diphu nung Assam team nem agütsütsü, ta ketdangser sangdong ka ajanga metetdaktsü.