Mediterranean nung nisung 3,000 shi süogo: IOM

Geneva, July 22 (Agencies): Taküm, 2016 küm tenzüker tanü tashi nung pei talidak toktsür Europe nung jenoka alitsü meranger migrant nisung 3,000 shi Mediterranean Sea nung asüba osang ka International Organization for Migration (IOM)-i tanü, Hokolbar nü metetdaktsüogo.
Ano, tanü tashi nung migrant nisung 250,000 shi Mediterranean tzüyim ajangdanga Europe tonga aoba bushitetba osang ka par tentetisa metetdaktsü.
“Yaküm, 2015 küm tenzüker ita 10 buba, October ita tashi nung ang migrant nisung 3,000 shi tzüyim nung asüba osang bushitet aser 2014 küma nisung 3,000 shi asüba osangji September ita tashi nung ang bushiteta liasü. Anungji, taküm tzüyim nung migrant nisungtem timba asüba kuli nguogo,” ta IOM otongdar, Joel Millman-i osang jangjashitsü.