Medziphema lanurtemi GPRN/NSCN mapa aitsür

Dimapur, August 22 (TYO) :  Kohima nung August 19 aonung 7:19 ako shi nung Naga nunger linük tenzüker telok GPRN/NSCN telok nungi nisung kari Medziphema pur Pelevilie Kuotsü dak mejungi benshiba mapa aitsür ta Medziphema Town Youth Organisation-i metetdaktsüogo.
Pelevilie ya Kohima nung chiyongtsü tapu balala ayokba dokan ka lapoka lir aser pai saru magütsüba tenüng nung  GPRN/ NSCN nung inyakertemi amokmerena liasü.
Medziphema nung lanurtem telongjemi nisung dak mejungi benshirtemji aputsüla aser tapet temerenshi agütsütsüla ta takangba agütsüogo. Iba ama lendong atalokdang government-i metettsüla aser yakta tim teinyaktsü inyaktsüla ta parnokisa metetdaktsü.
Medziphema nung alir lanurtemisa tanü Nagaland nung ochimashi mapa anema tasü itta nokdakertem AYO, ACAUT, NBAK aser lokti tentettem dang pelaba metetdaktsüogo.