Medziphema nung angati Gasless Laparoscopic/Key hole surgery agitsüogo

Dimapur, Monupii/May 23 (TYO): Community Health Centre Medziphema-i Global Research Institute University of LEEDS den ayongteper asemnü tashi (May 20-22) Community Health Centre Medziphema nung angati Gasless Laparoscopic surgery aser Key hole surgery agitsüogo, ta tanü ketdangsertem osang ka ajanga metetdaktsü.
Angati surgical camp nung shiranger 200 dak tema temang reprang aser operation 20 agia liasü. Iba camp nung ana meket alirtem aser Kohima, Tseminyu, Pughoboto, Jalukie, Zunheboto aser Tizit nungia shirangertem arua aden.
Global Health Research Group-isa Gas Insufflation Less Laparoscopic Surgery (GILLS) machine angati Community Health Centre Medziphema nem agüja liasü.
Iba camp nung yariteper doctors rongnung; Prof. Dr. Sukumar Maiti HOD of Surgery, Kolkata Medical College (KMC), Associate Professor Dr.Manas Dutta, Kolkata Medical College (KMC), Dr. J. Gnanaraj University of LEEDS, UK project India, Dr. Noel Aruparayil University of LEEDS,UK, Dr. Ellen Elizabeth University of LEEDS, UK, Dr. Lovenish Bains, Consultant MAMC, Delhi, Dr. N.Sezo SMO Medziphema, Dr. Manan Dutta, Consultant Surgeon New Delhi aser Dr. Botoho CHC Medziphema nunger liasü.
Iba dak alia Dimapur Hospital nungi doctors aser nurses-ia angati yaritepa liasü.