Medziphema nung child rights awareness agütsü

Dimapur, Metsüremi/March 12 (TYO): Nagaland State Commission for Protection of Child Rights ajanga Conference Hall, Medziphema City Centre, Chümoukedima nung March 12, 2025 nü child rights indang awareness sentong ka ayongzüka liasü.

Sentong nung Chairman, Nagaland State Commission for Protection of Child Rights (NSCPCR), Alun Hangsing ajanga tayongzükba o jembidang tila tanur temeden indang awareness sentong ayongzükba nükjidong, tila tanur temeden puti otsü aser koma amshi tenzük aser kechi komaka tongtipang ta asüba rateta ashi.

Pai tila tanurtem atema fundamental rights ter rasaa ashi.

Tila tanurtem ya lokti ka tongtiret lir aser tarutsü jenjang par ket nung lir, ta Hangsing-i ashi.

Pai tila tanurtem dak sendakba nung NSCPCR policies, ozüng, sentong aser inyakyim balala indang lemsatep aser NSCPCR ajanga tila tanur temeden asoshi nokdakba rajema ashi.

Aying Wangsha, Member, NSCPCR ajanga Right to Education dak senakba temeden rasaa ashi, Akumla Longchar Member, NSCPCR ajanga POCSO Act (Protection of Children from Sexual Offenses) aser IIS implementation indang jembia liasü.

Tila tanurtem mapa tamajung inyakba nungi kumzüka ayutsü asoshi POSCO Act yangluba, POSCO Act nung tongtipang temetettsütem, temerenshi amala lai lemsatepa liasü.

Maneni Lichani Murry, Legal Consultant NSCPCR ajanga Juvenile Justice (Care and Protection of Children) Act indang angatetdakja liasü.

Sentong nung ADC Medziphema, P James Swu ajanga Nagaland State Commission for Protection of Child Rights dang pelaba lemsatep aser nüburtem nem angatetdaktsütsü asoshi iba ama sentong maneni ayongzüktsü ajungshia liasü.

Iba sülen sensaksemba mapang nung mangatetba aser merajemba tem Commission züngsemtem dang asüngdangya jangjatepa liasü. Iba sentong nung Mhaseto Rhakho, Project Coordinator Child Helpline, Chümoukedima menden liasü aser District Child Protection Officer, Chümoukedima, Nikito Zhimomi-i melepzüng o jembi.