Medziphema nung IOL Cataract Surgery Camp agi

Dimapur, December 5 (TYO): National Programme for the Control of Blindness kübok CHC Medziphema nung angati IOL Cataract Surgery Camp ka ayonga agi.
Iba sentong nung Chakhroma Public Organisation-i teyari agütsü aser CHC Medziphema nungi Dr. Asongla Senior Specialist-i anir Imkongtongdang Ophthalmic Assistant, Kipito Swu Ophthalmic Assistant, Onensangla NS, Zukheli SN, Zulukala ANM aser Orenbeni M/A, District Hospital Dimapur nungertemi teyari agütsü.
Anogo asemnü Cataract Surgery Camp nung mezüng anogo nisung 9 dak Cataract Surgery agi. Iba anogo anepdang 11:00 ako nungi nikongdang 5:00 ako tashi agi.
Senior Specialist, DHD Dr. Asongla-i okila jembidang, National Program for Control of Blindness ya 1970s mapang tenzükba liasü aser iba sentong ajanga nisung aika taneptsü aser tajangzük nguogo, ta ashi.
Cataract Surgery agirtemi kanga dang kümdangtsüla aser tekaratiba nung taneptsü angutsü atema mozütem agütsüba ama shitak amshitsüla, ta laisa ashi.