Medziphema nung kijai ken atenba tetoktepba sentong ka akatsü

Medziphema, December 13 (TYO): Flats & Sharps Foundation, Medziphema-i ayongzüka December 18, 2017 nikongdang 4:00 ako nungi Town Hall, Medziphema nung kijai ken atenba tetoktepba sentong ka akatsü; iba tetoktepba nung Medziphema area nung alir tanur-tain, tetsür-tebur kecha tebendang makai ajaki shilem agitettsü, ta tanü Flats & Sharps Foundation Director, Akolie Dolie-i sangdong ka ajanga metetdaktsü.
Iba sentong nung tongti tesemdangerji Pro Vice Chancellor, SASRD, NU, Lanu Sosang asütsü aser tetushi tejaokerji Sub Inspector, Kohima Police, Alun Singson asütsü.
Iba foundation ya Medziphema nung mezüngpur ka lir, aser parnoki mezüngbuba jenjang asem nung takokertem nem senpet 10,000, 5,000 aser 3,000 agütsütsü; kasa sentong nung Flats & Sharps Foundation nungi Classical guitar students-i shilem agitsü.
Iba dak sendakba nung Foundation-i Medziphema area nung alir tejangrartem dang item outlets nung tenüng agütsütsü metetdaktsü; SK Provisions (Popular), Medziphema; Needy Needs, PWD Junction, Medziphema, mesüra Akolie Dolie, Director, Flats & Sharps Foundation den phone number 7421827409 ajanga tongteprateptsü akok, ta sangdong nungsa shia lir.