Medziphema nung Legal Care & Support Centre ka lapok

Dimapur, May 15 (TYO) : May 15, 2016 nü Nagaland State Legal Services Authority (NSLSA)-i Dimapur District Legal Services Authority (DDLSA) den yaritepa Medziphema nung Legal Care & Support Centre ka lapokogo.
Iba Centre ya Additional Deputy Commissioner Office, Medziphema nung Gauhati High Court nungi Justice Nishitendu Chaudhury-i laopktsü.
Justice N. Chaudhury ya NSLSA nunga Executive Chairman inyaker aser pai o jembidang, loktiliba nung tangar memenepertem ajungkettsü atema mapa inyaktsü ta tenangzükba agi.
Angati legal aid scheme balala tenzükba ajanga nisung ajak atema legal services angutsü tezüba kümdaktsüogo. Public aser legal service rejutem tsüngda apu alatsü atema District ajak nung ibala Support Centres lapoka aoer, ta Justice N. Chaudhury-isa shisem.
Sentong nung mendenji DDLSA Secretary & Chief Judicial Magistrate, Dimapur, Inalo Zhimomi liasü, Member Secretary, NSLSA, Mrs Nino Iralu-i okila jembi aser ADC, Medziphema, Sarah Jamir-i anküp tepela o jembi.
Iba sentong nungsa taoba Waste Land & CAWD minister, Rokuonicha Kuotsu-i o jembi aser Chairman, DDLSA aser District & Session Judge, Dimapur Neiko Kanuo-i Centre lapokba nükjidong metetdaktsü.