Medziphema nung Poshan Abhiyan Mission atema BCPC senden amen

Dimapur, Yimpoksüi/November 09 (TYO): Medziphema block kübok Poshan Abhiyan Mission atema Block Convergence Plan for Committee (BCPC) züngsemtem mezüngbuba senden tanü Dobashi hall, Medziphema nung ayongzüka menogo, ta ketdangsertem osang ka ajanga metetdaktsü.
Block Convergence Plan for Committee (BCPC) nung züngsemtemji Chairman, EAC Medziphema, Sentilong Ozukum, CDPO, BDO, SDO (PHED) SMO CHC, SDEO, CDPO kübok Supervisors aser welfare inspectors lir.
Senden nung züngsemtemi convergence plan atema o lemtepa Medziphema subdivision nung iba mapatong takok ngua benoktsü atema asalentong asoshi o lemtep.
Kasa senden nung Poshan Abhiyan Mission nükjidongtem aser ibaji ajanga grass root level tashi tajangzük ngudaktsüba indang jembia liasü.